आइतवार एक कार्यक्रमका बीच चौथो सुकेताल महोत्सव एवम् विविध कार्यक्रम सुकेतालमा सम्पन्न भएको छ । समापन कार्यक्रमका प्रमुख अतिथि तिनाउ गाउँपालिकाका अध्यक्ष ओम बहादुर घर्तिमगरले चौथो सुकेताल महोत्सव भब्य एवम् सभ्य तरिकाले सम्पन्न हुन सकेकोमा आयोजक सुकेताल विकास समिति र सहयोगीहरुलाई धन्यवाद दिएका छन् ।
उनले ग्रामीण पर्यटनको हबको रुपमा रहेको सुकेतालको प्रचार प्रसार र आर्थिक विकासका निम्ति महोत्सव फलदायी हुन सकेको बताए । आगामी वर्षमा समेत महोत्सवले निरन्तरता पाउने उनले बताए । सोही कार्यक्रममा उद्योग वाणिज्य संघ,पाल्पाका अध्यक्ष मोहन श्रेष्ठले सुकेताल महोत्सवले पाल्पाको शान बढाएको र आगामी वर्षहरुमा हातेमालो गरी बढ्ने प्रतिवद्धता समेत जनाए । उक्त कार्यक्रममा सोही संघका सदस्य प्रेम श्रेष्ठ लगायतले मन्तब्य राखेका थिए ।
महोत्सवका अवसरमा लोक तथा दोहोरी प्रतिष्ठानका केन्द्रीय सचिव एवम् चर्तित गायक खुमन अधिकारी,हास्यकलार पुर्खे बा,पप गायक कृष्ण राधाप्रेम ,नारायण वीपी,जमुना राना लगायतको विशेष प्रस्तुति रहेको थियो । हजारौंका संख्यामा उपस्थित दर्शकहरु कलाकारहरुको गायनसंग नाँचेका थिए । कार्यक्रम सुकेताल विकास समितिका अध्यक्ष पदम बहादुर गाहा र सञ्चालन सचिव मान बहादुर सारुले गरेका थिए ।
प्रतिक्रिया