अहिले नै फिल्म नखेल्ने योजनाः तेरिया मगर

‘डीआइडी लिटिल मास्टर्स सिजन ३’की विजेता तेरिया मगर अहिले के गर्दैछिन् भन्ने उनका फ्यानलाई कौतुहलता हुन सक्छ । तेरिया नेपालमा भन्दा भारतमा नै बढी बस्ने भएकाले पनि उनको बारेमा खबर कम आउँछन् । तेरिया, बुधबार भने काठमाण्डौको कुमारी हलमा चलचित्र ‘वीर विक्रम २’को प्रिमियरमा पुगेकी थिइन् ।

चलचित्रको प्रिमियरमा पुगेकी तेरियाले आफूलाई चलचित्रले कतै हसाँएको, कतै रुवाएको प्रतिक्रिया दिइन् । केही समय अगाडि उनले चलचित्र खेल्ने समाचार पनि आएको थियो तर यस बिषयमा तेरियाले भनिन्–‘त्यो गलत कुरा थियो । चलचित्र खेल्न लागेको भन्ने खबर आउँदा म पनि अचम्मित भएकी थिएँ । अहिले त्यो बिषयमा कुनै सोच छैन ।’

तेरियाले अहिले आफूले त्यस्तो केही काम नगरेको भन्दै सिकिरहेको नै बताउछिन । कुन नायकसँग पर्दामा काम गर्न मन छ भन्ने प्रश्नमा तेरियाले भनिन्–‘त्यस्तो एक जना भन्ने त कोही पनि हुनुहुन्न, सबै जना राम्रो हुनुहुन्छ । मलाई सबैसँग काम गर्न मन छ ।’