नेपाल कम्युनिष्ट पार्टी(नेकपा)को सांगठनिक अभियान

अञ्जु क्षेत्री,दोभान

नेपाल कम्युनिष्ट पार्टी(नेकपा) तिनाउ गाउँ कमिटीले आफ्नो सांगठनिक अभियानलाई तिब्रता दिने निर्णयसहित सोमवार तिनाउ गाउँपालिकाको दोभानमा बैठक सम्पन्न गरेको छ ।

बैठकले यही चैत्र १७ गतेदेखि २२ गतेसम्म तिनाउ गाउँपालिकाभित्र रहेका सबै वडा कमिटीका सदस्यहरुलाई सपथग्रहण गराउने र त्यसका लागि सम्बन्धित वडाका पार्टी अध्यक्ष र सचिवलाई जिम्मा दिने निर्णय गरेको छ ।

त्यसैगरी सो पालिकाभित्र रहेका माध्यमिक विद्यालयहरुमा विद्यार्थी संगठन निर्माणका लागि विद्यार्थी नेता विक्रम रानालाई संयोजन गर्ने गरी जिम्मा दिइएको कमिटीका अध्यक्ष राजेश श्रेष्ठले बताए । साथै बैठकले चैत्र २३ गते शनिवार पार्टी समर्थक शिक्षकहरुका बीच शैक्षिक अन्तक्र्रियात्मक गोष्ठी गर्ने निर्णय समेत गरेको कमिटीका सचिव दलबहादुर गुरुङले बताए ।

नयाँ वर्ष २०७६ सालको आगमनको क्रममा पार्टी कार्यकर्ताहरुका बीच शुभकामना तथा पार्टी प्रशिक्षण कार्यक्रम चैत्र २७ गते राखिएको पार्टी नेता ओमबहादुर घर्तिमगरले बैठकपछि जानकारी गराएका छन् ।