मुक्तक दिवस मनाईने

अन्जु क्षेत्री
मुक्तक दिवसको अवसरमा पौष ५ गते विहिबार दिउँसो ४ बजे देवदह स्वास्थ्य चौकीको सभाहल देवदह खैरेनीमा मुक्तक वाचन कार्यक्रम हुने भएको छ । युगीन साहित्य समाजको आयोजनामा सम्पन्न हुने उक्त कार्यक्रमको सहयोगी संस्थाको रुपमा अनुराग साहित्य समाज नेपाल र उज्यालो लालटिन प्रतिष्ठान रहेका छन् ।
कार्यक्रममा प्रमुख अतिथि मुक्तकमा पीएचडी गर्ने डाक्टर मुरारि पराजुली हुने उक्त कार्यक्रमका संयोजक विष्णु विवश पोखरेलले श्रीनर अनलाइन मिडियालाई बताएका छन् ।
मुक्तक दिवसको अवसरमा प्रमुख अतिथि डाक्टर पराजुलीले मुक्तकको इतिहास,वर्तमान अवस्थामा प्रयोग र साहित्यमा यसको महत्वका बारेमा बताउने छन् । उक्त कार्यक्रममा मुक्तक वाचन तथा समीक्षा गरिने युगीन साहित्य समाजका अध्यक्ष यज्ञ न्यौपानेले बताए ।