बुटवलको देवीनगरमा रहेको दीपावली वचत तथा ऋण सहकारी संस्था लि.को नवौं वािर्षक साधारण सभा एवम् चौथो अधिवेशबाट निर्वाचित कार्यसमितिलाई निर्वाचन मण्डलका संयोजक जीवलाल वस्यालले पदस्थापना गराएका छन् । उनले अबीर र प्रमाण प्रदान गर्दै आफूले प्राप्त गरेको आफ्नो पदीय दायित्व निर्वाह गर्न जिम्मेवार भएर लाग्न समेत अनुरोध गरेका छन् ।
कार्यक्रममा सहकारीका नवनिर्वाचित चण्डीप्रसाद न्यौपानेले सो वार्षिक साधारण सभा एवम् अधिवेशनबाट आफू सर्वसहतिका साथ निर्वाचित हुन सकेको र सबैका हित हुने सहकारीका योजना एवम् कार्यक्रमका साथ अघि बढ्ने बताए ।
कार्यक्रममा सहकारीको साधारण सभा र अधिवेशनको समीक्षा गर्दै युवा व्यवसायी सुरज भट्टराई,सामजिक अभियन्ता दल बहादुर गुरुङ,उज्याला शाही,नरेशचन्द्र ढकाल,भरत पाठक,टीकाराम ढकाल लगायतले सहकारीलाई थप व्यवस्थित गरी लैजानु पर्ने,साधारण सभा असोज महिनाभरि नै सम्पन्न गर्नुपर्ने,सहकारीको सञ्चालक समितिलाई समावेशी गर्दै लैजानु पर्ने र सदस्यहरुलाई आफ्नो सहकारीप्रति बढी जिम्मेवार रहन सिकाउनु पर्ने बताएका थिए ।
कार्यक्रममा समितिका तर्फबाट लोकराम पोख्रेल,कमल नेपाल लगायतले आआफ्ना विचार प्रस्तुत गरेका थिए ।
प्रतिक्रिया