२६ बूँदे माग सहित गाउँपालिकामा धर्ना

शिक्षक महासंघले आयोजना गरेको देशब्यापी शिक्षक धर्ना कार्यक्रम अन्तर्गत शुक्रवार तिनाउ गाउँपालिकामा रहेका शिक्षकहरुले दईघण्टा धर्ना दिई
गाउँपालिकाका अध्यक्ष ओम बहादुर घर्तिमगरलाई ज्ञापनपत्र समेत बुझाएका छन् ।
तिनाउ गाउँपालिका शिक्षक महासंघका अध्यक्ष केशब ज्ञवालीले विद्यालयका शिक्षक एवम् स्कूलका कर्मचारीहरुका २६ बूँदे ज्ञापनपत्र पेश गर्दै समयमै सम्बोधन हुने पर्ने बताए ।
ज्ञापनपत्र बुझ्दै गाउँपालिकाका अध्यक्ष घर्तिमगरले स्थानीय सरकारले पूरा गर्ने खालका माघ नभई केन्द्रीय सरकारले पूरा गर्न सक्ने माग भएको हुँदा गाउँपालिकाले प्राप्त ज्ञापनपत्रलाई केन्द्रमा पठाई सहयोग गर्ने बताए । साथै शिक्ष महासंघले तयार पारेको मागपत्र उचित रहेकोले आफ्नो गाउँपालिकाको समेत ऐक्यवद्धता रहेको बताए ।
धर्नामा तिनाउ गाउँपालिकाभित्र रहेका प्रतिनिधिमूलक शिक्षकहरुको सहभागिता रहेता पनि विद्यालय भने सञ्चालन रहेको सिर्जना आधारभूत विद्यालयका प्रअ श्रीभद्र गौतमले बताए ।