कार्तिक–१५, बुटवल ।
नव जागृति पुस्तकालय बुटवल–४, कान्तिपथले महाकवि लक्ष्मीप्रसाद देवकोटाको ११० औँ जन्मजयन्तीको अवसरमा कविता वाचन तथा प्रवचन कार्यक्रम सम्पन्न गरेको छ ।
नेपाली साहित्यमा देवकोटाले पु¥याएको योगदानका बारेमा छलफल गर्दै बुटवल क्षेत्रका कविहरूका कविता सुन्न सुनाउनका लागि कार्यक्रम आयोजना गरिएको कुरा संस्थाका अध्यक्ष महेश्वर प्रसाद श्रेष्ठले बताउनुभयो ।
कार्यक्रममा डा. मुरारि पराजुलीले नेपाली साहित्यमा देवकोटाले पु¥याएको योगदान विषयक प्रवचन दिनुभएको थियो भने अजम्बरध्वज खाती, चतुर्भुज आत्रेय, गिरी श्रीस, रामचन्द्र श्रेष्ठ, पुरुषोत्तम पाण्डेय, सागर केसी, घनश्याम घिमिरे लगायत कविहरूले कविता सुनाउनुभएको थियो ।
नव जागृति पुस्तकालयका अध्यक्ष महेश्वर प्रसाद श्रेष्ठको सभाध्यक्षता, साहित्यकार जङ्गबहादुर शाहको प्रमुख आतिथ्यता, वरिष्ठ अधिवक्ता बेन बहादुर पौडेल क्षेत्री, विश्व हिन्दु महासंघ महिला समिति अध्यक्ष अम्बिका पौडेल श्रेत्री, चन्द्रमान श्रेष्ठ, डा. बाबुराम ज्ञवाली, पूर्व मेयर पुनाराम पोख्रेल, वडा नं. ८ का अध्यक्ष भीम बहादुर श्रेष्ठ, इरादेवी थैव, लेखक ऋषि आजाद, माधव गौतम लगायतको आतिथ्यतामा सम्पन्न कार्यक्रममा कृष्णप्रसाद कोइरालाले स्वागत मन्तव्य व्यक्त गर्नुभएको थियो भने कार्यक्रमको सञ्चालन पुरुषोत्तम पाण्डेयले गर्नुभएको थियो ।
प्रतिक्रिया