जवरजस्ती करणीको प्रयास

जवरजस्ती करणीको प्रयास
पाल्पा जिल्लाको तिनाउ गाउँपालिका वडा नम्बर २,बेलदमार निवासी किरण गाहा मगरले स्थानीय एक किशोरीलाई जंगलमा बाख्रा चराउन जाँदा जवरजस्ती करणीको प्रयास गरेका छन् । किशोरीले अनेकौं बचाउका प्रयास गर्दा पनि किरणले जबरजस्ती गरेको र बच्नका लागि किरणलाई चिथोरेको र टोकेको प्रमाणका साथै केटाका पाइन्ट माटोमा धसाइरिएको र घाँसको छाप समेत घुँडामा देखिएको दोभान प्रहरीका इन्चार्ज एक्क बहादुर नेपालीले बताए । उनका अनुसार किरणले जवरजस्ती करणीको प्रयास गरेको देखिन्छ । उसलाई जबरजस्ती करणी वा करणीको उद्योगमा कार्वाही हुन सक्ने नेपालीले बताए ।
तिनाउ गाउँपालिकाका वडाध्यक्ष राजेश श्रेष्ठका अनुसार विहान १० वजे स्थानीय जंगलमा सो घटना घटेको तर स्थानीयहरुले आफ्नै तरिकाले मिलाउन खोजेपनि पीडित केटीको परिवारले नमानेपछि प्रहरी चौकीमा उजुरी भएको बताए । उनका अनुसार समाजमा यस्ता खालका घटनाले प्रश्रय पाउँदै जाने थालेको कारण समाजमा वलात्कारका घटना बढेको बताए । मुलुकी संहिता अनुसार किरणलाई कार्वाही हुने वडाध्यक्षले बताए ।
आरोपी किरणलाई विहिवार नै जिल्ला प्रहरी कार्यालय,पाल्पामा पुराइएको दोभान प्रहरी चौकीका इन्चार्ज नेपालीले बताए ।