पाल्पाको प्रसिद्ध भैरवनाथ मन्दिरमा आज बुधवार एक कार्यक्रमका बीच दसैंको अवसरमा शुभकामना आदान प्रदान कार्यक्रम सम्पन्न भयो । कार्यक्रमका मुख्यअतिथि प्रदेश सभाका सदस्य माननीय वसन्त घर्तिमगरले पाल्पाको गौरव बोकेको भैरवनाथको मन्दिरले धार्मिक मात्र नभई पर्यटकीय महिमा बोकेको र यसको आम्दानीले यस क्षेत्रको ऐतिहासिक,धार्मिक एवम् पर्यटकीय क्षेत्रहरुको विकास गर्न सम्भव रहेको बताए ।
सोही कार्यक्रममा प्रदेश सभाकै सदस्य माननीय बीर बहादुर रानाले हिन्दूहरुको महान पर्व दसैंलेको अवसरमा सबैलाई शुभकामना दिदैं असत्यमाथि सत्यको विजयको रुपमा लिइने यो पर्वले सबैलाई सत्यवादी बन्न सिकाओस् भनी शुभेच्छा प्रकट गरेका छन् ।
उक्त कार्यक्रममा प्रदेश सभाकै सदस्य माननीय डा.पुरन बज्राचार्यले भैरवनाथ बाबाको मन्दिर पाल्पाकै गरिमा बढाउने मन्दिर भएकाले यसको विकास र प्रसिद्धिका लागि आफूले सक्दो सहयोग गर्ने बताउँदै मन्दिर ब्यवस्थापन समितिले आयोजना गरेको शुभकामना कार्यक्रमले एक आपसमा भातृत्वको भावना र एक भएर जाने सन्देश दिन सक्ने बताए ।
कार्यक्रममा रिब्दिकोट गाउँपालिका अध्यक्ष नारायण जीसी लगायतले शुभकामना ब्यक्त गरेका थिए । कार्यक्रममा उपस्थित सबैलाई धन्यवाद् र कार्यक्रमका बारेमा मन्दिर व्यवस्थापन समितिका अध्यक्ष तुल बहादुर अधिकारीले बताएका थिए ।
प्रतिक्रिया