चौतारी हेल्थ फाउण्डेसन प्रालि,स्नायु तथा मनोरोग अस्पतालको आयोजनामा बुधवार बुटलको पुष्पलाल पार्कमा एक कार्यक्रमका बीच विश्व मानसिक स्वास्थ्य दिवस मनाइएको छ ।
कार्यक्रमको विहानीपख प्रभात फेरिका साथै पुष्पलाल चोकमा पुगेर सन्देश सभा भएको सो कार्यक्रममा नेपाल मनोरोग चिकित्सक संघका केन्दीय महासचिव डा.सन्दिप सुवेदीले विश्वमा अहिले मानसिक रोग बढ्दै गएको र यसको बेलैमा निराकरण गरी स्वस्थ जीवनका लागि पहल गर्नुपर्नेमा जोड दिर्दै नेपालमा यस रोगलाई लुकाउने चलन बढेको बताए ।
सोही कार्यक्रममा संघका केन्द्रीय कोषाध्यक्ष एवम् वरिष्ठ मनोरोग विशेषज्ञ डाक्टर मनोज ढुंगानाले आम नेपालीहरुमा मानसिक स्वास्थ्यको समस्या रहेको तर धेरै र थोरैको मात्रा फरक रहेको बताए ।
मानसिक स्वास्थ्यको समस्या दिनप्रतिदिन बढ्दै गएको तर यसलाई न्यूनीकरण र रोकथामका लागि प्रयास कम भएकोले बेलैमा सबै नागरिकहरुलाई सचेत र सजग हुनु पर्नेमा जोड दिर्दै यस्ता कार्यक्रमहरुले केही हदसम्म सन्देश प्रवाह हुने उनले बताए ।
कार्यक्रम चौतारी हेल्थ फाउण्डेसनका बिमल ढकालले सञ्चालन गरेका थिए ।
प्रतिक्रिया