शुभकामना आदान प्रदान कार्यक्रम सम्पन्न

नेपाल पत्रकार महासंघ,रुपन्देही शाखाले दसैं,तिहार,नेपाल वर्ष तथा छठको उपलक्ष्यमा शुभकामनाका साथ चियापान कार्यक्रम सम्पन्न गरेको छ । कार्यक्रमका मुख्यअतिथि प्रदेश नम्बर पाँचका माननीय मुख्यमन्त्री शंकर पोखरेलले हामीले मान्दै आएका चाडपर्वहरुले हामीलाई सुख र समृद्धिका लागि नयाँ आयाम थप्नुका साथै सबै मिलेर जानुपर्छ भन्ने गतिलो सन्देश दिने भएको हुँदा हामी सबै जातजाति,भाषाभाषी,लिङ,वर्ग र वर्ण एक भएर जानु पर्नेमा जोड दिए ।
साथै उनले दसैं,तिहार,नेपाल वर्ष र छठको पावन अवसरमा सबैको सुख,शान्तिको कामना गर्दै हार्दिकता बढोस् भनी शुभकामना समेत प्रकट गरेका छन् ।

कार्यक्रममा प्रदेश सरकारका उद्योग,पर्यटन,वन,वातावरण मन्त्री लीला गिरि,बुटवल उप–महानगरपालिकाका मेयर,शिवराज सुवेदी,तिलोत्तमा नगरपालिकाका मेयर बासुदेव घिमिरे,नेपालका सरकार उच्चपदस्थ कर्मचारी,सुरक्षाकर्मी लगायत नागरिक समाजका अगुवाहरुको विशेष उपस्थिति रहेको थियो ।