सुरक्षा सल्लाहकारद्वारा सिद्धबाबा मन्दिरको दर्शन र अवलोकन

नेपाल सरकार गृहमन्त्रालयका प्रमुख सुरक्षा सल्लाहकार डा.इन्द्रजीत राईले पाल्पा दोभानमा रहेको सिद्धबाबा मन्दिरको शनिवार विहान दर्शन तथा अवलोकन गरेका छन् ।
मन्दिर आइपुगेका सल्लाहकार राईलाई मन्दिर विकास समितिका अध्यक्ष दल बहादुर गुरुङले रामनामी च्यादर र पुष्षगुच्छाले  स्वागत तथा सम्मान गरेका थिए ।
मन्दिरको दर्शन तथा अवलोकनपछि डा.राईले मन्दिरको आम्दानी,यसका गतिविधिहरु र सुरक्षाका विषयमा चासो राखेका थिए । साथै उनले प्राकृतिक रुपमा मनोरम तथा धार्मिक आस्थाको केन्द्र सिद्धबाबा क्षेत्रको विकासबाट आफू प्रशन्न भएको र आफूहरुले सक्दो सहयोग गर्ने समेत बताए ।
सुरक्षा सल्लाहकार डा.राईले राखेका जिज्ञासा मेटाउँदै मन्दिर विकास समितिका अध्यक्ष दल बहादुर गुरुङले सिद्धबाबा क्षेत्रमा प्रायःजसो पहिरो गइ रहने,यसबाट मानवीय तथा भौतिक क्षति हुने र पाल्पा र रुपन्देहीको सीमाना समेत रहेकोले सुरक्षा अवस्था र सूचना तुरुन्तै आवश्यक पर्ने भएको हुँदा सिद्धबाबा क्षेत्रमा स्थायी प्रहरी बीट राख्न समेत अुनरोध गरेका छन् ।