प्रदेश ५ का १२ वटा जिल्लाबाट सहभागि भएका मध्ये १० वटा उत्कृष्ट गजलकारलाइ बाचनका लागि आज बुटवल बोलाइएको थियो ।
शान्ति र समृद्धि केन्द्रित गजलमा रुपन्देहीका बिष्णु बिबश पोखरेल प्रथम,दाङका बसन्त वली बसन्ती द्वितिय,बुटवलका पुरुषोतम पाण्डे तृतिय, पाल्पाका भोजराज भट्राइ र गुल्मीका कृष्ण गांउलेले सान्त्वना स्थान हासिल गर्दै क्रमश १० हजार,५ हजार ,३ हजार र जनही २ -२ हजार नगद पुरस्कार र प्रमाणपत्र प्राप्त गरेका छन् ।
उनीहरुलाई बुटवल उपमहानगरपालिकाका प्रमुख शिबराज सुबेदी, बुटवल साहित्य कला संस्कृति प्रतिष्ठानका अध्यक्ष दीपक ज्ञवालीले पुरस्कार प्रदान गर्नुभयो ।
सो अबसरमा बोल्दै नगरप्रमुख सुबेदीले साहित्य कला र संस्कृतिको उत्थानका लागि उपमहानगरले चालु आर्थिक बर्षका लागि २५ लाख बिनीयोजन गरेको बताउनुभयो ।
उहाले प्रतिष्ठानलाइ बृहत बनाउने गरि ऐन,नियम,बिधि बनाउने काम भैरहेको उल्लेख गर्नुभयो ।
बिश्व शान्ति दिवसका अवसरमा आयोजित कार्यक्रममा निर्णायक मण्डलका संयोजब बूद राना,सदस्य रुद्र ज्ञवाली, प्रतिष्ठानका सचिव दल बहादुर गुरुङले लगायतले बोल्नुभएको थियो भने १ दर्जन स्रष्टाहरुले रचना वाचन गर्नुभएको थियो ।
टप टेन भित्रबाट ५ जना गजलकार पुरस्कृत भए भने अन्य गजलकारहरुमा कपिल ज्ञवाली बुटवल ,मिन राना नवलपरासी ,धुर्बराज पन्थी गुल्मी ,उद्धब देबकाेटा रुपन्देही र प्रकाश नेपाली रुपन्देही रहेका छन् ।
गजल बिधालाई पनि परिवर्तनशिल,अग्रगामी र समाज रुपान्तरणको माध्यम बनाउन प्रतियोगिता आयोजना गरिएको बुटवल साहित्य कला संस्कृति प्रतिष्ठानका अध्यक्ष दीपक ज्ञवालीले बताए ।
प्रतिक्रिया