सामूहिक विकास बचत तथा ऋण सहकारी सस्थाले सस्थाको रजत महोत्सब तथा संबिधान दिवशको अवसरमा आज सस्थाको कार्यालय शंकरनगरमा रक्तदान कार्यक्रम गरेको छ ।
गत साउनदेखि रजत बर्षका अवसरमा बिभिन्न कार्यक्रमहरु आयोजना गर्न सुरु गरेको सहकारीले आज रक्तदान कार्यक्रम गरेको हो । कार्यक्रममा २० युनिट रगत संकलन भएको छ ।
सस्थाका सदस्य देबि वाग्लेको संयोजकत्वमा रक्तदान कार्यक्रम सम्पन्न भएको थियो ।
रजत वर्बाकै अवसरमा सस्थाले पर्सी शनिवार तिलोत्तमाको गंगौलियामा निशुल्क बृहत्त स्वास्थ्य शिविर आयोजना गर्ने भएको छ । बुटवल स्थित सिद्धार्थ महिला तथा बाल ( आम्दा) अस्पतालको प्रबिधिक सहयोगमा महिला रोग सम्वन्धि शिबिर आयोजना गरीएको सस्थाका अध्यक्ष चुरामणि खरेलले जानकारी दिनुभयो ।
पर्सी बिहानदेखि साझैसम्म गंगौलिया स्वास्थ्य केन्द्र तथा परिसरमा आयोजना हुने शिविरमा सहभागि भई लाभान्वित हुन महिलाहरुलाई अध्यक्ष खरेलले आग्रह गर्नु भएको छ ।
रुपन्देहीको पहिलो बचत तथा ऋण सहकारीका रुपमा स्थापित सामूहिक विकास बचत तथा ऋण सहकारीले माघ महिनासम्म , खेलकुद, स्वस्थ्य शिविर, सहयोग हस्तान्तरण, प्रदेशस्तरीय सहकारी गोष्ठी, कविता गोष्ठी लगाएतका रचनात्मक कार्यक्रम गर्ने तय गरेको उपाध्यक्ष रुद्र बहादुर श्रेष्ठले जानकारी दिनुभयो ।
शंकरनगरमा कार्यालय रहेको सहकारी नेपालका राष्टियस्तरका बैक तथा बित्तिय सस्थाहरु जस्तै सवल, र सक्षम रहेको छ ।
सरकारी र सहकारी क्षेत्रका बिभिन्न राष्टिय र क्षेत्रीय पुरस्कार पाएको सामुहिक सहकारी सदस्य संख्याको आधारमा प्रदेश ५, ६ र ७ मै सबैभन्दा ठूलो सहकारी हो । २०५० सालमा स्थापित यो सहकारीले १ अर्व ४७ करोड ६२ लाख ३१ हजार ५ सय ११ रुपैयाँ कर्जा लगानी गरेको छ । २६ जना शेयर सदस्यले २६ सय शेयर पुँजी जम्मा गरी सहकारी स्थापना गरेका थिए । अहिले सदस्य संख्या ६ हजार ३ सय ५५ पुगेको छ । जसमध्ये ३ हजार ५ सय ८५ जना महिला छन् ।
प्रतिक्रिया