बुटवल । बुटवल उप–महानगरपालिका र बुटवल साहित्य कला संस्कृति प्रतिष्ठान,बुटवलको आयोजनामा आउदो असोज ५ गते बिश्व शान्ति दिवसका अवसरमा शान्ति र समृद्धि केन्द्रीत पांच नम्बर प्रदेशस्तरीय गजल प्रतियोगिता पहलिो पटक बुटवलमा हुदैछ ।
प्रतिष्ठानका अध्यक्ष दीपक ज्ञवालीका अनुसार सो प्रतियोगितामा सहभागी हुने गजलकारहरुले भदौ मसान्त (३१ भदौ) भित्र आफ्ना गजल इमेलमार्फत पठाउनु पर्ने छ । ढिला गरी आउने गजलले प्रतियोगिताका निम्ति अवसर नपाउने आयोजकले जनाएकाछन् ।
प्रदेश नम्बर पाँचमा पर्ने १२ जिल्लाका गजल श्रष्टाहरुमध्ये छनौटमा परेका उत्कृष्ट पाँच जना गजल श्रष्टाले वाचनका लागि भाग लिन पाउने छन् । साथै सो प्रतियोगितामा विजयीहरुलाई नगद तथा प्रमाण पत्रद्वारा पुरस्कृत गरिने प्रतिष्ठानका सचिव दल बहादुर गुरुङले बताए । उनका भनाईमा प्रथम पुरस्कार दश हजार रुपैया र प्रमाणपत्रसहित अन्य पुरस्कृतको पुरस्कार पनि आकर्षक छ ।
देशकै चर्चित र बरिष्ठ गजलबीज्ञहरुको तीन सदस्यीय निर्णायक मण्डल रहेको सो प्रतियोगिताका लागि प्राप्त गजलहरुका प्रारम्भिक मूल्यांकन गरी उत्कृष्ट पाँच गजलहरु छनौट गरिने छ । आयोजकले फोन तथा इमेल मार्फत छनौटमा परेका प्रतियोगीहरुलाई वाचनका लागि सूचित गर्ने छ ।
गजल बिधालाई पनि परिवर्तशिल,अग्रगामी र समाज रुपान्तरणको माध्यम बनाउन यो प्रतियोगिता उपयोगि हुने आयोजकहरुले बताए । आयोजकहरुले यो प्रतियोगिताको जानकारी पहिल्यै सार्वजनिक गरेकाथिए ।
प्रतिक्रिया