रोटरी क्लव अफ भैरहवाको ९१औं नियमित बैठक क्लवका अध्यक्ष सञ्जीव शर्मा,रेग्मीको अध्यक्षतामा भैरहवामा शनिवार सम्पन्न भयो ।
क्लवले आयमुखी क्रियाकलाप सञ्चालनका लागि सामजिक एवम् वातावरण अभियन्ता दल बहादुर गुरुङको सहयोगमा अम्रिसो र आम्दानीको बाटो सम्बन्धी अभिमुखीकरण कार्यक्रम समेत सम्पन्न गरेको छ । सो कार्यक्रममा गुरुङले अम्रिसोको बजार,यसको बजारीकरण र यसबाट हुन सक्ने आम्दानीका सन्दर्भमा प्रस्तुतीकरण दिएका थिए । अम्रिसो र आम्दानी विषयको अभिमुखीकरण कार्यक्रमपछि क्लवका राजु न्यौपाने र शिवहरि शर्माले थप जिज्ञासा राखेका थिए ।
रोटरी क्लव अफ भैरहवाले समुदायमा रहेका बेरोजगार तथा स्वरोजगार हुन इच्छुक व्यक्तिहरुलाई जीविकोपार्जन सम्बन्धी कार्यक्रमहरु सञ्चालन गर्दै आइरहेकोले अम्रिसोबाट समेत थप आम्दानी गर्न सकिने भएकोले सो विषयका जानकार दल बहादुर गुरुङसंग समन्वय र सहकार्य गरी क्लव अघि बढ्न चाहेको क्लवका सर्भिस कमिटीका संयोजक उमेश आचार्यले बताए । आफ्नो क्लव सामाजिक विकासका लागि तल्लीन रहेको हुँदा यस्ता आयमुखी कार्यक्रमहरु समुदाय केन्द्रीत गर्ने क्लव अध्यक्ष सञ्जीव शर्मा,रेग्मीले समेत बताए ।
कार्यक्रममा क्लवका गतिविधिहरु सम्बन्धी क्लवका पवन पौडेल,संगम न्यौपाने लगायतले जानकारी गराएका थिए भने कवि मीन रानाले कविता समेत वाचन गरेका थिए ।
प्रतिक्रिया