इनरव्हील क्लब अफ बुटवलद्वारा बुटवलमा वृक्षारोपण

इनरव्हील क्लब अफ बुटवलले आज बुटवलमा वृक्षारोपण कार्यक्रम सम्पन्न गरेको छ ।

बुटवलको पाल्पा रोडमा रहेको इनरव्हील क्लबको डिभाइडरमा आज बिहान ८ बजे १६ वटा बिरुवा रोपिएको थियो ।

वायु मण्डलमा अक्सिजन अभाव नहोस र हरियालीका लागि एक व्यक्ति एक विरुवा भन्ने मुल उद्धेश्यका साथ बृक्षारोपण गरिएको अध्यक्ष मन्जु श्रेष्ठले बताउनुभयो ।

बृक्षारोपण कार्यक्रमका प्रमुख अतिथि पूर्व अध्यक्ष सरस्वती श्रेष्ठले क्लबका सदस्यहरुले हरेक वर्ष वातावरण हरित बनाउने खालको कार्यक्रमले सकारात्मक उर्जा थपिने बताउनुभयो ।

कोरोना महामारीको बेलामा स्वास्थ्य मापदण्ड अपनाई कार्यक्रम सम्पन्न भएको थियो । कार्यक्रममा शुभकामना मन्तव्य क्लबकी पूर्व अध्यक्ष राधा रेग्मी र मीरा ओझाले गर्नुभएको थियो भने कार्यक्रमको संयोजकत्व लूना श्रेष्ठले गर्नुभएको थियो ।

क्लबकी सचिव बुलबुल श्रेष्ठको सञ्चालनमा भएको कार्यक्रममा आईपीपी सोभा जोशी, भूतपूर्व अध्यक्ष शशि श्रेष्ठ लगायत क्लब को १६ जना सदस्यहरुको उपस्थिति रहको थियो ।