चेतनामूलक तीजगीत प्रतियोगिता शनिवार दोभानमा हुने

चेतनामूलक तीजगीत प्रतियोगिता शनिवार दोभानमा हुने महिलाहरुको विशेष पर्व तीजको पावन अवसरमा पाल्पा जिल्लाको तिनाउ गाउँपालिका वडा नं.२ मा गठित महिला समन्वय समितिले भाद्र १६ गते शनिवार चेतनामूलक तीजगीत प्रतियोगिता आयोजना गरेको समितिकी अध्यक्ष रीता भट्टराईले बताइन् । प्रतियोगितामा महिला अधिकार,न्याय,समानताका पक्षका साथै वर्तमान समयमा बढ्दै गएको महिला हत्या हिंसा र बलात्कारका विरुद्धमा आवाज बुलन्द पार्नका लागि समेत सो प्रतियोगिता आयोजना गरिएको जनजाति समन्वय समितिकी उपाध्यक्ष माया थापाले जानकारी गराइन्छ । खुल्ला प्रतियोगिता भएको हुँदा तिनाउ गाउँपालिका निवासी सबै महिलाहरुलाई प्रतियोगितामा सहभागिताका लागि महिला समन्वय समितिकी अध्यक्ष रीता भट्टराईले अनुरोध समेत गरेकी छन् । कार्यक्रम दोभान माविको चौरमा विहान ११ वजेदेखि सञ्चालन हुने छ ।