लुम्बिनी फोटोग्राफर संघ,रुपन्देहीले शिवरात्रिको अवसरमा सिद्धबाबा मन्दिर परिसरमा सरसफाइ कार्यक्रम शुक्रबार सम्पन्न भएको छ ।
शिवरात्रिको अवसरमा मन्दिर परिसरमा भएका फोहोर मैलालाई संघका सदस्यहरुले शुक्रबार बिहानैदेखि सफा गरी उचित व्यवस्थापन गरेका हुन् ।
सिद्धबाबा मन्दिर विकास समितिका अध्यक्ष दलबहादुर गुरुङले संघका सदस्यहरुलाई मन्दिर परिसरमा सरसफाइ गरेकोमा धन्यवाद् दिदै आगामी वर्षहरुमा समेत यस्तै खाले सहयोगको अपेक्षा गरेका छन् ।
नेपाल फोटोग्राफर महासंघका तदर्थ समिति संयोजक तथा लुम्बिनी फोटोग्राफर संघका निवर्तमान अध्यक्ष महेन्द्र प्रसाद उपाध्याय, नेपाल फोटोग्राफर महासंघका तदर्थ समिति सदस्य तथा लुम्बिनी फोटोग्राफर संघका कानूनी सल्लाहकार कमला तिवारी, लुम्बिनी फोटोग्राफर संघका महासचिव माधव पन्थ तथा संघका कार्यसमिति सदस्यहरु तथा अन्य सदस्यहरुको उपस्थिति रहेको थियो ।
पवित्रभूमि सिद्धबाबा क्षेत्रमा सरसरफाइ गर्न पाउँदा संस्कृति संरक्षणमा हातेमालो गर्न पाएको सुखानुभूति भएको संघका अध्यक्ष मनीष पन्थले बताए ।
कार्यक्रम संघका सहसचिव कमला घर्तीको संयोजकत्वमा कार्यक्रम सम्पन्न भएको थियो ।
प्रतिक्रिया