सिद्धबाबामा सरसफाइ

मेगा बैक,लुम्बिनी प्रदेश र बुटवल बीपीपथ शाखाकाे आयाेजना र संयाेजनमा पाल्पा तिनाउमा रहेकाे प्रसिद्ध मन्दिर सिद्धबाबामा सरसफाइ र डस्टबिन बितरण कार्यक्रम मंगलवार बिहान मन्दिर परिसरमा सम्पन्न भयाे ।

उक्त कार्यक्रमका प्रमुख अतिथि तिनाउ गापा वडा नं ३ का वडाध्यक्ष प्रेमप्रसाद पाण्डेयले मन्दिरलाई सहयाेग गरेकाेमा हार्दिक कृतज्ञता प्रकट गरेका छन् । साेही कार्यक्रमका विशिष्ट अतिथि एवम् मन्दिरका अध्यक्ष दलबहादुर गुरुङले सिद्धबाबा मन्दिरकाे गरिमा र महिमाका बारेमा प्रकाश पार्दै सहयाेगी मेगा बैकले,सामाजिक उत्तरदायित्व वहन गरेकाेमा आभार प्रकट गरेका छन् ।

कार्यक्रममा मेगा बैंक बीपी पथ शाखा प्रमुख ज्ञानेन्द्र पाेखरेलले स्वागत एवम् आविष्कारले सञ्चालन गरेका थिए । कार्यक्रममा दाेभान प्रहरी चाैकी ईन्चार्ज साेमबहादुर सारु,मन्दिरका मूल पुराेहित नारायण घिमिरे,समितिका सदस्यहरु,कर्माचारीहरुकाे समेत सार्थक सहभागिता रहेकाे थियाे ।

कार्यक्रम मेगा बैंक ,लुम्बिनी प्रदेश प्रमुख तारानाथ लम्सालकाे अध्यक्षतामा सम्पन्न भएकाे थियाे ।