पाल्पा जिल्लाको तिनाउ गाउँपालिका वडा नं. ३, वडा कार्यालयको शिलन्यास लुम्बिनी प्रदेशका भौतिक पूर्वाधार विकास मन्त्री माननीय बैजनाथ चौधरीले सडक विभाग क्याम्प, झुम्सामा बुधवार गरेका छन् ।
स्थानीय सरकारको लगानीमा निर्माण हुने उक्त वडा कार्यालयको उद्घाटन गर्दै माननीय मन्त्री चौधरीले स्थानीयहरुको आवश्यकतालाई परिपूर्ति गर्नका निम्ति महत्वपूर्ण हुने कुरा बताउँदै स्थानीय नागरिकहरुको सहजता नै प्रमुख रहेको बताए । प्रदेश सरकारले भौतिक विकासको गतिलाई सफल पार्न हरपल सक्रिय रहेको बताउँदै उनले तिलोत्तमा माविको प्राविधिक शिक्षालयको समेत निरीक्षण गरेका थिए ।
लुम्बिनी प्रदेशका सदस्य माननीय नारायण आचार्यले तिनाउको सबै वडाहरुमा वडा कार्यालय बन्दैगर्दा स्थानीय नागरिकहरुलाई सहजै सेवा प्रवाह गर्न सकिने र विकासले फड्को मार्ने बताउँदै आफूहरु विकासको पक्षपाती रहेको बताए ।
तिनाउ गाउँपालिकाका अध्यक्ष ओमबहादुर घर्तिमगरको अध्यक्षतामा सम्पन्न उक्त कार्यक्रमको सञ्चालन प्रमुख प्रशासकीय अधिकृत सुन्दर श्रेष्ठले र स्वागत वडाध्यक्ष प्रेम पाण्डेयले गरेका थिए ।
प्रतिक्रिया