मायादेवी गाउँपालिका,रुपन्देहीको आयोजनामा एक दिवसीय विद्यालय स्वास्थ्य तथा पोषण कार्यक्रमको अभिमुखीकरण कार्यक्रम बुधवार गुरुवानीमाई माध्यमिक विद्यालयमा सम्पन्न भएको छ ।
उक्त कार्यक्रममा सुआहारा नेपालका पोषण अधिकृत दुर्गा रानाले विद्यार्थीले नै आफ्नो स्वास्थ्य र पोषणको अवस्थामा सुधार गर्नुपर्ने,विद्यालयको वातावरणलाई स्वथकर बनाउन प्रयास गर्नुपर्ने,स्वास्थ्य र पोषणसम्बन्धी बानी व्यवहारमा आफैले सुधार गर्नुपर्ने,दिवा खाजा र ६ देखि १८ वर्षका किशोरीहरुलाई आइरन चक्की खुवाउनुपर्ने विषयमा अभिमुखीकरण गरेका थिए ।
सो अभिमुखीकरण कार्यक्रममा शिक्षक महासंघ,मायादेवीका अध्यक्ष सतिसमणि त्रिपाठी र प्यावसन मायादेवीका अध्यक्ष लक्ष्मी भुसालले विद्यार्थी र शिक्षकलाई यो अभिमुखीकरण कार्यक्रम लाभदायक रहेको बताए । कार्यक्रममा गाउँपालिकाभित्र रहेका २५ विद्यालयका शिक्षक र १०देखि १९ वर्षभित्रका किशोरीहरुको सहभागिता रहेको थियो ।
उक्त विद्यालयहरुमा आगामी हप्तादेखि किशोरीहरुलाई सातामा एउटाको दरले आइरन र फोलिक एसिड चक्की खुवाउने कार्यक्रम तय गरिएको स्वास्थ्य शाखा प्रमुख भाष्कर आत्रेयले बताए । हाल नेपालमा ३९ प्रतिशत् किशोरीहरु रक्तअल्पताले ग्रसित छन् ।
मायादेवी गाउँपालिकाका शिक्षा शाखा प्रमुख नारायणप्रसाद लामिछानेको अध्यक्षतामा सम्पन्न भएको उक्त कार्यक्रममा स्वागत शर्मिला शर्मा र सञ्चालन स्वास्थ्य शाखा प्रमुख भाष्कर आत्रेयले गरेका थिए ।
प्रतिक्रिया