गुल्मीमा एक व्यक्ति मृत फेला

४ माघ, बुटवल।

गुल्मीमा एक व्यक्ति मृत फेला परेका छन् । जिल्ला प्रहरी कार्यालय गुल्मीका प्रहरी नायव उप।प्क्षक (डिएसपी) पुरुषोत्तमप्रसाद पाण्डेले बताए अनुसार जिल्लाको रेसुङ्गा नगरपालिका–१४ रातामाटाका अन्दाजी ४५ वर्षीय तुलबहादुर विक मृत फेला परेको हो ।

जिल्ला प्रहरी कार्यालय गुल्मीले जनाए अनुसार बिहान घरबाट घाँस काट्न हिँडेका विक अबेरसम्म नफर्केपछि आफन्तले खोज्ने क्रममा गुल्मीदरवार गाउँपालिकाको वडानम्बर–१ बरेवाखोलामा मृत अबस्थामा फेला पारेको हो।

डिएसपी पाण्डेले बताए अनुसार विकको शवमा केही चोट देखिएकाले पोष्टमार्टम रिपोर्टपछि मात्रै थप जानकारी आउने हो । शवलाई पोष्टमार्टमको लागि गुल्मी अस्पतालमा राखिएको छ । घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।