नेपाल ईञ्जिनियर एशोसियसन,लुम्बिनी क्षेत्र केन्द्र,बुटवलको आयोजनामा एक दिवसीय गोष्ठी सम्पन्न

नेपाल ईञ्जिनियर एशोसियसन,लुम्बिनी क्षेत्र केन्द्र,बुटवलको आयोजनामा एक दिवसीय गोष्ठी सम्पन्न भयो । सो गोष्ठीमा नेपालको समृद्धिका लागि नीजि तथा सार्वजनिक संस्थाहरुको सहकार्य र नेपालमा टनेल बोरिङ् मेसीनको अभ्यास विषयक् दुईवटा कार्यक्रम पेश गरिएको थियो ।

कार्यपत्र भौतिक तथा पूर्वाधार मन्त्रालयका पूर्व सचिव पूर्ण कडेरिया र भेरीबबई डाइभर्सन बहुउद्देश्यीय आयोजनाका कार्यकारी निर्देशक तथा सिंचाई विभागका सहसचिव शिब कुमार बस्नेतले पेश गरेका थिए । कार्यपत्र माथि ईञ्जिनियर सुशील ज्ञवाली,पिएल श्रेष्ठ,हरेराम श्रेष्ठ र लीला बहादुर भण्डारीले टिप्पणी तथा सुझाव पेश गरेका थिए ।

कार्यक्रममा डा.तारा पोख्रेल,दल बहादुर गुरुङ,बल बहादुर आचार्य,लेखनाथ पाण्डेय,धु्रव धितालले गोष्ठी लाभदायक र यसले नयाँ सन्देश समेत दिएको बताए । कार्यक्रम एशोसियसनका लुम्बिनी क्षेत्र केन्द्र,अध्यक्ष इञ्जिनियर दुजेन्द्र बस्नेतको अध्यक्षतामा सम्पन्न भएको थियो ।