स्थानीय पत्रकार समाज,नेपालको शनिवार बुटवलमा संस्थागत अभिमुखीकरण कार्यक्रम सम्पन्न भयो । कार्यक्रममा संस्थाको स्थापना,यसको उद्देश्यहरु र भावि कार्यक्रमका सन्दर्भमा प्रकाश पारिएको थियो ।
सोही कार्यक्रममा राष्ट्रिय सूचना आयोगका प्रमुख सूचना आयुक्त कृष्णहरि बास्कोटाले सूचनाको हक संरक्षण,सम्वद्र्धन र प्रचलनमा प्रदेश सरकार र स्थानीय तहको दायित्व विषयमा सहजीकरण समेत गरेका थिए । उनले सूचनाको वर्तमान अवस्था र यसको प्रभाव अनि असरका सन्दर्भमा प्रकाश पारेका थिए ।
उक्त कार्यक्रममा प्रदेशसभाका सदस्य माननीय वसन्त घर्तिमगरले आमनागरिकहरुलाई सूचनाको हक रहेको बताउँदै सबै तहको सरकारले नागरिकहरुलाई सूचनाका हकका बारेमा जानकारी गराउन नसकि रहेको अवस्थामा स्थानीय पत्रकार समाज,नेपालले आफ्नो अभिमुखीकरण कार्यक्रममा सो विषयमा जानकारी गराएकोमा धन्यवाद्को पात्र रहेको बताए । स्थानीय तहदेखि केन्द्र सरकारसम्मलाई सूचनाको हकसम्बन्धी प्रशिक्षण गर्नु पर्नेमा उनले जोड दिए ।
सोही कार्यक्रममा प्रदेश सभाका सदस्य माननीय विमला पन्थीले सूचना नै शक्ति रहेको बताउँदै सूचना दिने र लिनेका बीच समन्वय र सहकार्य हुनु पर्ने बताए । साथै उनले नेपाली नागरिकहरुले सूचनालाई सम्पत्तिका रुपमा ग्रहण गर्नुपर्ने अवस्था रहेको बताए ।
कार्यक्रममा सिद्धार्थनगर नगरपालिका मेयर हरिप्रसाद अधिकारी,पत्रकार दीपक ज्ञवाली,बासुदेव तिमसिनाले स्थानीय पत्रकार समाज,नेपालको प्रगतिको शुभकामना समेत ब्यक्त गरेका थिए ।
स्थानीय पत्रकार समाज,नेपालका अध्यक्ष शंकर ज्ञवालीको अध्यक्षतामा सम्पन्न कार्यक्रमको सञ्चालन सचिव दल बहादुर गुरुङले गरेका थिए ।
प्रतिक्रिया