नेपाली सिने क्षेत्रमा उल्लेखनीय याेगदान पुर्याएकाे भन्दै काशी सिनेप्लेक्स प्रा. ली , सिद्धार्थनगर , रुपन्देही र मन काशी सिनेप्लेक्स प्रा . ली . घोराही , दाङ ।
का अध्यक्ष ओम जैसी ‘दोश्रो छायाँछवि अन्तर्राष्ट्रिय अनर अवार्ड‘ बाट सम्मानित भएका छन् ।
UAE को दुबईस्थित एभरेष्ट क्लबमा हालै भएको एक भव्य समारोहमा जैसीलाई चलचित्र प्रदर्शकको क्षेत्रमा विशेष योगदान पुर्याए वापत अवार्डसहित सम्मान गरिएकाे थियाे ।
साे अवसरमा नेपाली चलचित्र, गीतसंगीत, पत्रकारिता, साहित्य, समाजसेवा, खेलकुद, चित्रकला लगायतका क्षेत्रमा उल्लेखनीय योगदान दिएका व्यक्तिहरू पनि सहभागी भएका थिए । विशेष समाराेहमा वरिष्ठ संगीतकर्मी शम्भुजित बास्कोटा, कला क्षेत्रकी हाँस्य साम्राज्ञी बसुन्धरा भुसाल, वरिष्ठ गायिका देविका बन्दना लगायतका विभिन्न क्षेत्रमा सफल सयाैं व्यक्तित्वहरु उपस्थित थिए ।
गत वर्षबाट प्रदान गरिंदै आएको यो अनर अवार्ड जैसीले नेपाली चलचित्र, गीतसंगीत क्षेत्रमा उल्लेखनीय काम गरेकाे भन्दै सम्मान गरिएकाे थियाे ।
जैसी चलचित्र प्रदर्शनीको क्षेत्रमा कृयाशील रहँदै भैरहवा र दाङ क्षेत्रका चलचित्र अनुरागीहरुलाई उच्च गुणस्तरीय वातावरणमा चलचित्र हेराईको भरपूर आनन्द प्रदान गर्दै आइरहेका छन् ।
काशी सिनेप्लेक्स प्रा. ली , सिद्धार्थनगर , रुपन्देही र मन काशी सिनेप्लेक्स प्रा . ली . घोराही , दाङमा । 4K digital cinema टेक्नाेलाेजीमार्फत चम्किलाे र स्तरीय दृश्य तथा आरामदायी सेवा प्रदान गर्दै दर्शककाे मन जित्दै आएकाे छ ।
प्रतिक्रिया