साहित्यकार दलबहादुर गुरुङ्गले शनिबार बुटवलमा एकल दर्जन कविता सुनाउनुहुने भएको छ । साहित्यमा दुईदशक अगाडिदेखि साहित्यक रचनाहरु कोर्दै आउनु भएका साहित्यकार दलबहादुरले सालदेखि अहिलेसम्म सृजना गरेका कविताहरु बचन गर्नु हुने छ ।
दलबहादुरको एकल कविता कार्यक्रमको आयोजक संस्था पाठक मञ्च बुटवलले शुक्रबार बुटवलमा पत्रकार सम्मेलन गरेर कविता बाचन कार्यक्रमको तयारी पुरा भएको जानकारी गराएको हो । कविता बाचन कार्यक्रममा दलबहादुरका २०५७ सालदेखि लेखिएका कविता बाचन हुने छ ।
दलबहादुरका अनुसार रेक्सा, यो दलबहादुर प्रधानमन्त्रीको कुर्चि चाहन्छ, बेथेको साग, चलन, माफ गर्नु होस लगायतका शिर्षकका कविताहरु बाचन हुने छ । बुटवलको न्यू ईरा होटलमा हुने कार्यक्रममा साहित्यकार गिरि श्रीसमगर, रामचन्द्र श्रेष्ठ र सरिता श्रीसले समेत दलबहादुरका कविता सुनाउनु हुने छ ।
पछिल्लो समय साहित्य र कवितामा देखिएको खडेरीलाई कम गर्नका लागि कविता बाचन कार्यक्रम राखिएको साहित्यकार दलबहादुरले बताउनुभयो । पत्रकार सम्मेलन पाठक मञ्चका सदस्य सरिता श्रीसको अध्यक्षतामा भएको कार्यक्रममा पर्यटन पत्रकार संघका अध्यक्ष भूवन कार्की, संचारकर्मी एनबी कंडेल लगायतले बोल्नु भएको थियो ।
प्रतिक्रिया