बुटवल, १४ चैत । नेपाल पर्यटन पत्रकार संघ (एन्टोज) रुपन्देहीले पर्यटन मन्त्री लिला गरीलाई भेटघाट कार्यक्रम गरी बधाई ज्ञापन गरेको छ । संघका पदाधिकारीको एक टोलीले बुधबार मन्त्री गिरीकै निवासमा पुगी लिखित बधाई ज्ञापन गरेको हो ।
प्रदेश नं. ५ को प्रदेश सरकार अन्तरगत वन वातावरण, पर्यटन र उद्योग मन्त्रीको समेत भूमिका प्राप्त गर्नुभएकोमा गरीको सफल कार्यकालको कामनासहित संघले बधाई ज्ञापन गरेको हो ।
उक्त अवसरमा बोल्दै मन्त्री गिरीले लुम्बिनी जस्तो धार्मिक पर्यटनको केन्द्र यहाँ भएकाले यस क्षेत्रको पर्यटनको विकासको लागि आफूले सक्दो प्रयास गर्ने प्रतिबद्धता ब्यक्त गर्नुभयो । उहाँले संघलाई सहयोगी भूमिका खेल्न पनि आग्रह गर्नुभयो । तराई देखि हिमालसम्मका पर्यटकीय क्षेत्रको विकास गर्न सके मुलुकको आर्थिक विकासमा टेवा पुग्ने उहाँले विश्वास व्यक्त गर्नुभयो ।
बधाई ज्ञापन पत्र बाचन गर्दै संघका अध्यक्ष भुवन कार्कीले पर्यटकीय क्षेत्रको विकास र प्रचार गरी जनताको आयअर्जनमा समेत टेवा पुग्ने गरी यस क्षेत्रको विकास गरिनुपर्ने धारणा उहाँले राख्नुभयो । आगामी दिनमा मन्त्रालयले लिने नीति अनुरुप सहयोगी भूमिकामा रहेर काम गर्न संघले चाहेको कार्कीको भनाई थियो ।
कार्यक्रममा संघका सचिव कपिल ज्ञवाली, कोषाध्यक्ष मनिष पन्त, सदस्यहरु एनबी कंडेल, झबिन्द्र देवकोटा, कपिल अधिकारी, विमल पुरी लगायतले मन्त्री गिरीसंग अन्तरक्रिया गर्नुभएको थियो ।
प्रतिक्रिया