उर्वशी, डिभोर्स लगाएत आधा दर्जन भन्दा बढी चलचित्र र थुप्रै म्यूजिक भिडियोहरुमा अभिनय गरिसकेकी साथै रिलिजको तयारीमा रहेको फिल्म ‘पिंजडा ब्याक अगेन’ अभिनेत्री बिना थापाको सडक दुर्घटनामा परि निधन भएको छ । बुधबार दिउँसो राजधानीको बत्तीसपुतलीमा भएको सवारी दुर्घटनामा अभिनेत्री तथा मोडल बिनाको निधन भएको हो ।
बत्तीसपुतलीमा बा.२ ख ८९४ नम्बरको पानी ट्याङकरले बिना सवार बा.५५ प १३८७ नम्बरको स्कुटरलाई ठक्कर दिएको थियो । त्यसपश्वात उपचारको लागी विर अस्पताल पुर्याइएको थियो । उपचारको क्रममा नै उनको निधन भएको प्रहरीले बताएको छ । ठक्कर दिने ट्याङकर र चालकलाई प्रहरीले नियन्त्रणमा लिएको छ।
गुल्मीको मुसिकोट गाउँपालिका २ की स्थायी बासिन्दा २७ बर्षीया बिना राजधानीको धापासीमा बस्दै आएकी थिइन् । उनले केहि फिल्म र नाटक अभिनयसँगै म्युजिक भिडियोमा पनि मोडलिङ गरेकी थिइन् ।
देश तथा विदेश
का विभिन्न स्टेज कार्यक्रममा पनि उनले प्रस्तुती दिइसकेकी थिइन् । बिनाको निधनप्रति फिल्म ‘पिंजडा ब्याक अगेन’ टिमले दुःख प्रकट गरेको छ । शोकाकुल परिवारप्रति समवेदना व्यक्त गरेको छ ।
प्रतिक्रिया