डीबी गुरुङ
लालटिनको उज्यालो पुस्तकको एक कार्यक्रमको बीच बुधवार बुटवलमा परिचर्चा कार्यक्रम सम्पन्न भयो ।
परिचर्चा कार्यक्रमका प्रमुख अतिथि बुटवल उपमहानगरपालिकाका मेयर शिवराज सुवेदीले लालटिनको उज्यालो पुस्तक इतिहासको खोजी भएको हुँदा वर्तमानमा दस्तावेजको रुपमा आएको बताए ।
राजनीतिक संघर्ष एवम् गुटबन्दी, सामाजिक तथा व्यक्तिगत सम्बन्ध,अभाव र वितृष्णाको संयोजननै लालटिनको उज्यालो रहेको समीक्षक मीनाक्षी न्यौपानेले बताइन् ।
पुस्तकका अर्का समीक्षक गिरि श्रीस मगरले पुस्तकले आम विषयमा कुरा उठान गरेको तर कतिपय कुराहरु पर्दापछाडि रहेको बताउँदै पुस्तक पठनीय रहेको बताए ।
ऋषि भुसालले पुस्तकका बारेमा परिचर्चा गर्दै भने–पुस्तकले पुराना कुराहरुलाई लिपिवद्ध गरेको छ ,सामान्य कुराहरुलाई पनि उठान गर्न सजिलो बनाएको छ र नयाँ पिंढीलाई पढन लायक पुस्तक बनेको छ । राजनीति बुझन् इच्छुकलाई पुस्तकले सहयोग गर्नेछ ।
पुस्तकका लेखक सरस्वती ज्ञवालीले आफ्नो पुस्तक कुनै साहित्यिक ग्रन्थ नभई जीवनको भोगाईमात्र रहेको तर यसले सबैलाई छुन सक्ने बताइन् ।
बुटवल साहित्य कला संस्कृति प्रतिष्ठानका अध्यक्ष दीपक ज्ञवालीको अध्यक्षता,सचिव दल बहादुर गुरुङको सञ्चालन,प्रतिष्ठानका पूर्वअध्यक्ष प्राडा हिरण्य ज्ञवालीको स्वागत तथा बुटवल उप–महानगरपालिका उपमेयर गोमादेवी आचार्यको धन्यवादसहित कार्यक्रम सम्पन्न भएको थियो ।
प्रतिक्रिया