सामुदायिक वन समन्वय समितिको आयोजना र तिनाउ सव डिभिजन वन कार्यालय,दोभानको संयोजनमा शनिवार डिभिजन वन कार्यालय,पाल्पाका नवआगन्तुक डिभिजनल वन अधिकृत डा.मोहन पौडेललाई स्वागत तथा पर्वहरुको अवसरमा शुभकामना आदान प्रदान कार्यक्रम सम्पन्न भयो ।
स्वागत कार्यक्रममा प्रमुख अतिथिका रुपमा रहेका डा.पौडेलले जिल्लाको वन व्यवस्थापन र संरक्षणका गतिविधिहरुलाई आफूले सक्दो रुपमा अघि बढाउने बताए । वन,वातावरण र जैविक विविधता संरक्षणको यात्रामा आफू सधैं सामुदायिक वन उपभोक्ताहरुसंगै रहने प्रतिवद्धता समेत जनाएका छन् ।
तिनाउ गाउँपालिकाका प्रवक्ता राजेश श्रेष्ठले तिनाउको वन,वातारण र जैविक विविधता संरक्षणका लागि गाउँपालिका समूहहरुसंग सहकार्य गरेर अघि बढि रहेको र आवश्यक वजेट विनियोजन गरी संरक्षणमुखी गतिविधिमा अग्रसरता देखाएको बताए ।
कार्यक्रममा सामुदायिक वन समन्वय समितिका वरिष्ठ उपाध्यक्ष दल बहादुर गुरुङले समन्वय समितिले गर्दै विगतमा आएका कार्यहरु,वर्तमानमा चालेका कदमहरु र भविष्यमा गरिने कार्यहरुका सन्दर्भमा प्रकाश पारेका थिए ।
सो कार्यक्रममा तिनाउ सव डिभिजन वन कार्यालय,दोभानका प्रमुख चन्द्र रानाभाट,चोपलाल गिरि,अमर प्रधान,डिल कुमारी रोका,पदम लाल शाक्य,कृष्ण रेग्मीले वन,वातावरण र जैविक विविधता संरक्षणमा नव आगन्तुक डिभिजनल वन अधिकृतलाई निरन्तर लाग्न अुनरोधका साथ आफूहरु संगै रहने बताए ।
प्रतिक्रिया