साहित्यिक कार्यक्रम सम्पन्न

गजल सागर नेपालको नियमित श्रृङ्खला आज शनिवार बुटवलमा सम्पन्न भयो । गजलका जानकार बाबु त्रिपाठीको प्रमुख आथित्यतामा सम्पन्न उक्त कार्यक्रममा कृष्ण आचार्यद्वारा लिखित अप्रिल फूलको परिचर्चा समेत गरिएको थियो ।
उक्त पुस्तकका सन्दर्भमा कविद्वय गिरि श्रीस मगर,राजेन्द्र आचार्य र रामचन्द्र श्रेष्ठले पुस्तकले उठान गरेका कथानक,यसको अन्तरविषय,पुीतकले समाजलाई दिने सन्देश र प्रभावका बारे सम्बन्धमा प्रकाश पारेका थिए । लेखक कृष्ण आचार्यले अप्रिल फूल खोजमूलक विषयमा लेखिएको नयाँ आयाम बोकेको उपन्यास हो र यसले समाजको पेट बोली बोलेको बताउँदै एकपटक सबैलाई सो पुस्तक पढेर प्रतिक्रिया दिन समेत अनुरोध गरेका छन् ।
साथै सो कार्यक्रममा गजलकार बाबु त्रिपाठी,मीन राना,कृष्ण गाउँले,विष्णु विवश पोखरेल,यज्ञ सुवेदी,यज्ञराज दीपक,सरिता श्रीस लगायतले आआफ्ना रचना वाचन गरेका थिए ।