गौरी तमू सम्मानित

गौरी तमू सम्मानित
राष्ट्रिय साप्ताहिक लमजुङ्गले आफ्नो २७ औं वार्षिकोत्सवको अवसरमा अन्तरङ्ग मुक्तक उत्सव राष्ट्रिय सम्मान –२०७५ द्वारा पोखरामा रहेर साहित्य सिर्जनमा तल्लीन सर्जक गौरी तमूलाई सम्मान गरेको छ । खासगरी उनी पछिल्लो समय मुक्तक विधामा क्रियाशील रहेकी छन् । समैं दर्बानी(समयको ऐना) नामक द्विभाषिक(नेपाली र गुरुङ भाषा) मुक्तक संग्रह प्रकाशन गरी चर्चामा रहेकी गौरीलाई सो सम्मानले थप पहिचान दिलाएको छ ।
शिक्षा र सामाजिक क्षेत्रमा समेत आफ्नो पहिचान बनाएकी गौरीले मुक्तकलाई आफ्नो खास विधाको रुपमा चिनारी दिने सोचका साथ अघि बढी रहेकी छन् । गौरीले समैं दर्बानीको बिक्रीबाट प्राप्त रकम साहित्यको श्रीवृद्धिका लागि साहित्यिक पुरस्कारको स्थापना समेत गरेकी छन् । मुक्तकमा आफूले पाएको सम्मानले आफूलाई साहित्यमा लाग्न थप प्रेरणा दिएको उनले बताइन् ।