केपीन नेपाल र श्रीनगर अनलाईन मिडिया,बुटवलले विश्व वन्यजन्तु कोष,नेपालद्वारा प्रदान गरिएको संरक्षण पुरस्कार –२०१८बाट पुरस्कृत संरक्षणकर्मी दल बहादुर गुरुङलाई सोमवार एक कार्यक्रमका बीच बुटवलमा बधाई कार्यक्रम सम्पन्न गरेको छ । कार्यक्रममा बुटवल उप–महानगरपालिका वडा नं.११ देवसिद्ध पथका स्थानीय बासिन्दाहरुको सहभागिता रहेको थियो ।
कार्यक्रमका प्रमुख अतिथि युवा उद्यमी एवम् उद्योग वाणिज्य संघ,बुटवलका कार्यसमिति सदस्य सुरज भट्टराईले दल बहादुर गुरुङले वन,वातावरण र जैविक विविधता संरक्षणको क्षेत्रमा पुराएको योगदानको उच्च मूल्यांकन गर्दै दिएको पुरस्कार प्रशंसनीय रहेको बताए । दल बहादुरले वातावरणीय संरक्षण एवम् सेवाका माध्यमबाट सामाजिक एवम् आर्थिक विकासका निम्ति खेलेको भूमिका स्तुति योग्य र सिको गर्न लायक रहेको सुनाए ।
कार्यक्रममा आख्यानकार जंग बहादुर शाहले दल बहादुरले प्राप्त गरेको पुरस्कार उचित मूल्यांकनबाट हासिल रहेको बताउँदै वा,वातावरण र जैविक विविधता संरक्षणको अभियानमा निरन्तर लाग्न समेत अनुरोध गरे ।
दल बहादुरलाई गत शनिवार एक कार्यक्रमका बीच काठमाण्डौंमा प्रहरी निरीक्षक सर्वेन्द्र खनालले पुरस्कृत गरेका थिए ।
केपीन,नेपालका अध्यक्ष निर्मल सिग्देलको अध्यक्षतामा सञ्चालित कार्यक्रमको सञ्चालन जीवन भुसालले गरेका थिए ।
प्रतिक्रिया